Tapasmiddag og dugnadsfest

Styret inviterer alle medlemar til tapasmiddag og "dugnadsfest" etter årsmøtet 20. februar 2024, ca kl. 20.30

På årsmøtet kjem og veterinær Bente Axelsson for å halde eit foredrag om hundehelse, og når årsmøtet er ferdig blir det middag og fest på ein tysdag. :-) Så det er tre gode grunner til å møte opp på Førde gjestehus og camping denne kvelden! Sjå innkalling og sakliste til årsmøtet her: Årsmøte for 2023. Ettersom vi går direkte over til middagen etter årsmøtet er klokkeslettet litt "flytande". Vi anbefalar derfor å møte opp frå start.

Du må melde deg på middagen, så vi veit kor mykje mat vi skal bestille inn. Du må betale ved påmelding (kr. 300,-) 
Påmelding gjer du her: Letsreg.no
For deg som har vore med som hjelpar på arrangementa til klubben i 2023 og på dugnad på Sunde, spanderer klubben maten. 

Dette er eit tilbod for medlemer i klubben og du kan melde deg inn her: NKK - bli medlem, og velge Sunnfjord hundeklubb i listen over "brukshundklubb". Gjer det i god tid så du kan bli med på festen! 

Vel møtt!