Digitalt kvalpeteorikurs
Hunden, utvikling og trening - "Kompetansekurs"
I juni 2022 kom det ny hundelov i Noreg, og i §3a der står det at: «Hundeholderen skal ha nødvendig kompetanse til å kunne forebygge at uheldige situasjoner eller skader oppstår. Slik kompetanse omfatter blant annet kunnskap om hold og trening av hund og kunnskap om hundens behov, naturlege adferd, bruksområde og det skadepotensialet hunden kan utgjøre.»
Med bakgrunn av den nye hundelova har Sunnfjord Hundeklubb utarbeidd eit digitalt kurs som er retta mot deg som planleggar å få kvalp, har fått deg kvalp eller er eigar av vaksen hund. Kurset er tufta på teorien vi har hatt på kvalpekursa tidlegare, og utvida litt med tanke på den nye hundelova.
Tema for kurset er:
- Lover og reglar kring hundehald
- Forventningar - Hunden i samfunnet
- Hunden sin utvikling
- Kvalpen sine utviklingsperiodar
- Stell, pleie og helse
- Trening av hunden
Per no er det ikkje utarbeidd utfyllande føresegner om krav til opplæring og kompetanse i henhold til den nye hundelova, men slik Sunnfjord hundeklubb har tolka lovteksten meiner vi at dette kurset vil stette det som §3a omtalar av kompetanse til deg som hundeeigar.
Kurset går digitalt over Teams av ein av klubben sine instruktørar, og du får anledning til å stille spørsmål undervegs.
Du må sjølv syte for at du har tilstrekkelege digitale hjelpemiddel til å høyre og sjå kurspresentasjonen.
Tidspunkt: Tysdag 9. april kl. 18.00 – 21.00
Pris: Kr. 400,- Medlemmer i Sunnfjord hundeklubb: Kr. 250,-
Bindande påmelding innan 6. april.
Etter påmeldingsfristen er utløpt får du møtelenke på epost. Ved fullført kurs får du tilsendt kursbevis.
NB. Kurset må ha minst fem deltakarar for å gjennomførast. Ved avlysing får du refundert fullstendig deltakaravgift.